Hoyr samrøðurnar Heri Simonsen gjørdi í Triðja Hálvleiki við høvuðsvenjaran hjá TB, Tummas Erling Djurhuus og hjálparvenjaran hjá KÍ, Sjúrður Jacobsen um TB-KÍ 1-5 (1-1). Tummas Erling er sera fegin um fyrra hálvleik, har hansara menn stóðu væl á vøllinum og stríddust væl, men í seinna hálvleiki gjørdist munurin ov stórur. Sjúrður staðfestir, at TB leyp hvøkk á KÍ og góvu teimum skarpan gang, men so fingu teir í KÍ rætta upp á tingini til seinna hálvleik.
