Margretha Nónklett er sett í starv sum deildarleiðari á fólkalívsdeildini hjá Tjóðsavninum. Margretha er útbúgvin fólkalívsfrøðingur frá Lærda háskúlanum í Keypmannahavn.
Margretha hevur røkt eitt tíðaravmarkað starv sum savnsvørður á deildini seinasta árið og hevur áðrenn hetta starvast sum býarsavnsvørður á Tórshavnar býarsavni. Eisini hevur hon drúgvar royndir úr landsfyrisitingini.
– Ynskt verður Margrethu tillukku og vælkomnari í fast starv á Tjóðsavninum, skrivar savnið á heimasíðu sínari.
Hon tekur við starvinum tann 1. oktober 2023.
