Nú freistin er úti til at søkja starvið sum nýggjur deildarleiðari fyri Aktuelt í Kringvarpi Føroya, so er greitt, at bert tríggjar umsóknir eru komnar inn.
– Enn er ikki greitt, nær nýggi tíðindaleiðarin verður settur, men ætlanin er at seta starvið so skjótt til ber. Men tað kann eisini koma upp á tal, at vit søkja av nýggjum, sigur Ivan Niclasen, stjóri í Kringvarpinum, hoyrdu vit í tíðindunum á døgurða.
Starvið varð lýst leyst fyri einum góðum mánaði síðan, og innkomnu umsóknirnar verða viðgjørdar í aðru viku – ella støða verður tikin, hvørt starvið skal lýsast leyst av nýggjum ella ikki.
Georg L. Petersen, sum segði seg úr starvi sum tíðindaleiðari í Kringvarpinum, er virkandi tíðindaleiðari, til nýggjur leiðari verður settur.
