Vestmanna skúli hevur fingið nýggjan skúlastjóra.
Tað er Kristianna Jacobsen, sum er nýggjur skúlastjóri.
Kristianna er ættað úr Fuglafirði, er 51 ára gomul og býr í Tórshavn.
Hon tók læraraprógv í 2013 og hevur síðani januar 2014 arbeitt í Hvalvíkar skúla, fyrstu árini sum lærari og frá 2019 sum skúlaleiðari.
Harumframt hevur hon eisini leiðsluroyndir frá privatum virksemi, millum annað sum dagligur leiðari í Mentanarhúsinum í Fuglafirði.
Kristianna hevur nomið sær eftirútbúgving innan leiðslu umframt ymisk styttri skeið í ávísum lærugreinum og í føroyskum sum annaðmál. Hon hevur í 2021 tikið skeið í yvirskipaðari námsfrøðiligari leiðslu á masterstigi, masterdiplom í leiðslu í 2023 og lesur master í leiðslu og skipan á Fróðskaparsetri Føroya.
Kelda: Skúlablaðið