Nú hava teir báðir avgjørt at framføra tvær konsertir í Føroyum. Ta fyrru í Mentanarhúsinum í Fuglafirði 9. novembur, kl. 20 og ta seinnu í Norðurlandahúsinum 11. novembur, kl. 15. Teir fara at spæla tríggjar violinsonatir eftir Robert Schumann, Johannes Brahms og Edvard Grieg.
Axel Freier er 28 ára gamal. Hann er útbúgvin klaverleikari og virkar mest sum klaverfylgispælari í Belgia, Hollandi og Frankaríki. Axel spælir saman við sangarum, violin- og sellospælarum. Síðani 2021 hevur hann verið klaverfylgispælari fyri violin og bratsj næmingar á konservatoriinum í Leuven í Belgia.
Sámal Petersen er 57 ára gamal. Hann er útbúgvin í Odense við víðari lestri í Wien. Sámal flutti heim til Føroya í 1995 og var við til at stovna Aldubáruna. Harumframt hevur hann verið konsertmeistari í Føroya symfoniorkestri síðan 1995.
