Leygardagin 4. november klokkan 17 verður Tórsvøllur karmur um ársins finalu í kappingini um Løgmanssteypið.
Finalan í ár verður millum B68 og HB.
Atgongumerkjasølan byrjaði í gjár, og fer fram í Nethandilinum á heimasíðuni hjá Fótbóltssambandi Føroya. Kostnaðurin er 100 krónur, og er hetta galdandi fyri bæði vaksin og børn.
HB áskoðarar sita í bólkunum 101 til 104, meðan toftafólk og B68 fjepparar sita í bólkunum 105 til 108. Sìðani eru bólkarnir 114 til 116 ætlaðir uttanveltaðum áskoðarum.
