Dysturin millum AB Gladsaxe og Vejle Boldklub mátti út í longda leiktíð og hareftir brotssparkskapping. Eftir ófantaligt verjuspæl og einans 15 minuttir, legði heimaliðið, AB Gladsaxe, seg á odda. Hetta er liðið hjá Hørði Askham, í triðbestu deildini í Danmark.
Tað var neyvan nakar ivi um hvør var favorittur til hendan dystin. Útiliðið, Vejle Boldklub, er í Superliguni. Hetta er liðið, ið Gilli Rólantsson Sørensen spælur við. Tá einans eitt korter var eftir av vanligu leiktíðini, fingu Vejle eitt mál, sum var eitt sjálvmál frá heimaliðnum. 1-1 var støðan eftir 90 minuttir og longdu leiktíðina.
Skuffaður Vejle-leikari. – Myndaeigari: Bo Amstrup/Ritzau Scanpix
Dysturin mátti sostatt út í brotssparkskapping, fyri at avgerast. Her vann Vejle 4-3 og ongin av føroyingunum, megnaðu at skora. Teir báðir brendu sínar møguleikar.
