Hoyr samrøðuna Petur Asbjørn Lervig gjørdi við landsliðsvenjaran, Håkan Ericson dagin fyri Føroyar spæla seinasta EM-undankappingardystin á hesum sinni á útivølli í Tirana í Albania. Håkan letur ikki upp fyri nógvum broytingum til dystin móti Albania. Hann vónar, at góðu kringumstøðurnar á leikvøllinum kunnu geva íblástur til eitt gott føroyskt avrik. Petur Asbjørn sigur beinleiðis frá dystinum millum Albania og Føroyar. Dysturin byrjar mánakvøldið klokkan 19,45. FM1 byrjar at senda klokkan 18.45 aftaná tíðindini eru endursend.
