Lurta eftir FM1 og Voxpop á netinum

SÍ aftur nummar eitt

Eftir tryggan 3-0 sigur á Fleyr í gjár er SÍ aftur nummar eitt í Føroya Tele-deildini hjá monnum

Føroya Tele-deildin, menn:
Fleyr – SÍ 0-3 (21-25, 20-25 18-25)

Eftir tryggan 3-0 sigur á Fleyr í gjár er SÍ aftur nr. 1 í Føroya Tele-deildini hjá monnum, men oddasessurin er kanska bara til láns til mikudagin, tí vinnur Mjølnir tá á Ternuni, tekur Mjølnir fyrstaplássið aftur. Mjølnir og SÍ møtast so í rættiligum oddabraki í Klaksvík sunnudagin 10. desembur. 12. novembur var eisini oddadystur teirra millum; tá vann Mjølnir 3-2 í Sørvági.

Í dystinum ímóti Fleyr í gjár fekk SÍ ikki stórvegis mótstøðu. SÍ legði seg skjótt á odda 12-6 og 16-10, og hóast Fleyr minkaði um munin niður í 16-19, 18-21 og 20-23, kom ongantíð veruligur spenningur í settið.

Gongdin var ikki ólík í øðrum setti. SÍ var aftur á odda 16-10, men aftur mentist Fleyr móti endanum og minkaði um munin niður í 18-20, 19-21 og 20-22. Men so vann SÍ tríggjar bóltar á rað og settið 25-20.

Í triðja setti gjørdi Fleyr ein vørr og legði seg framum 9-4 og 12-8, men leiðslan hvarv sum døgg fyri sól, tá SÍ vann sjey stig á rað og legði seg á odda 15-12. Síðani dró SÍ frá og vann 25-20.

ÍF – Ternan 3-0 (25-7, 25-7, 25-21)
Tá fýra mans hjá ÍF høvdu servað, hevði ÍF longu vunnið fyrsta sett 25-7. Oleksandr Dmytriiev servaði frá 2-0 til 5-0, Filip Ilic frá 6-2 til 10-2, Rani Ákason frá 11-4 til 18-4 og Teitur Eliasen frá 19-7 til 25-7.

Árni Lamhauge Mohr legði fyri við at serva í øðrum setti, og tá hann servaði aftur eina fulla rotatión seinni, servaði hann settið heim frá 22-7.

Les eisini...  SÍ klintrar - KÍF dragnar

Triðja sett var nógv javnari, hóast tað kortini ongantíð var spennandi. Eftir at hava verið aftanfyri 9-17, eydnaðist Ternuni at minka um munin niður í trý stig til støðuna 16-19, áðrenn ÍF vann 25-21.

Miðalaldurin á teimum sjey leikarunum hjá Ternuni var 20,1 ár, tá 43 ára gamli Alex Troleis er roknaður uppí, men uttan Alex hevði miðalaldurin einans verið 16,3.

Støðan í Føroya Tele-deildini, menn:

LiðDystirSettmunurStig
61014
Mjølnir5612
ÍF5610
Fleyr5-73
Ternan5-150