Faroese Music Awards (FMA) 2024 verður leygarkvøldið 9. mars í Norðurlandahúsinum. Tónleikasamband Føroya (TSF) skipar fyri tiltakinum, og Kringvarp Føroya og Norðurlandahúsið eru samstarvsfelagar.
Hetta er annað árið á rað at TSF skipar fyri FMA, og siga tey, at tey næsta ár fara at stremba eftir at hava eitt eins gott tiltak, sum í ár við livandi tónleiki og virðislønahandanum. Hvørji nøvnini verða, kunnger TSF tíðliga í komandi ári.
Tiltakið verður sent í beinleiðis sjónvarpssending hjá KvF, men tað er eisini gjørligt at ogna sær atgongumerki til tiltakið og verða til staðar, tá føroyskur tónleikur verður fagnaður saman við øllum Føroyum.
Atgongumerkini kunnu longu nú keypast á heimasíðuni hjá Norðurlandahúsinum.
