Dómurin hjá Føroya rætti í grooming-málinum frá miðskeiðis í desember stendur við.
Freistin er farin, og hvørki tann dømdi ella ákæruvaldið hava valt at skjóta dómin inn fyri landsrættin.
Tað veit Kringvarpið at siga.
58 ára gamli maðurin var í Føroya rætti í desember dømdur eitt ár og níggju mánaða treytaleysa fongsulsrevsing fyri kynsliga misnýtslu av børnum, har í alt 16 børn í aldrinum frá tíggju til 17 ár høvdu verið fyri kynsligum ágangi.
Misnýtslan er framd á fleiri sosialum miðlum, ið serliga er farin fram á Snapchat, men tó eisini á TikTok og F3.
Maðurin fekk eisini eitt tíðaróavmarkað kontaktforboð, sum er forboð fyri, gjøgnum internetið ella tílíka skipan, at royna at fáa samband við børn undir 18 ár.