Fyritøkan Articon hevur seinnu árini gjørt fleiri átøk, at skilja burturkast og til at spara upp á brennievni.
Nýggjasta átakið er at smíða høsnarhús úr tilfari, ið annars fer burtur, til dømis avskurðir av plankum, plátum og øðrum tilfari.
– Høsnarhúsini hjá Articon fara at verða seld fyri kostnaðin av arbeiðslønini, skrivar felagið á sínum Facebook-vanga.
Fyrsta húsið er um at vera liðugt og klárt at seta til sølu. Húsini verða smíðað í góðu umstøðunum í elementhøllini hjá Articon á Sundi, har skúlanæmingar í starvsvenjing, saman við handverkara, framleiða høsnarhúsini.
– Vónandi verður eisini hetta átak fyri burðardygdini væl móttikið, skrivar felagið.
(Myndir: Facebook/Articon)