Á fundinum umrøddu løgmaður og varakanslarin, hvussu samstarvið millum londini kann styrkjast, og hvussu handilsviðurskiftini kunnu betrast. Á fleiri týðandi økjum er formliga samstarvið við Týskland skipað sambært avtalum millum Føroyar og ES. Løgmaður greiddi tí frá arbeiðinum at gera ein yvirskipaðan samstarvskarm millum Føroyar og ES.
![](https://landsstyri.cdn.fo/savn/0ozfmyjm/microsoftteams-image-43.png?rmode=max&width=406&height=541&bgcolor=fff&format=jpg&s=X3VyRvzAYNdgSDD0JxqzKAKsnSU)
Løgmaður og týski varakanslarin, Robert Habeck
Robert Habeck er eisini búskapar- og veðurlagsmálaráðharri, og til fundin umrøddu teir eisini tiltøk á veðurlagsøkinum og tørvin á grønari umlegging bæði í Føroyum og í Týsklandi.
Varakanslarin fekk føroyska landsliðstroyggju
Løgmaður er í hesum døgum í Berlin og stuðlar føroyska hondbóltslandsliðnum. Hann nýtti tí høvið at geva varakanslaranum eina føroyska landsliðstroyggju, við undirskriftum hjá Hákuni West av Teigum og Eliasi Ellefsen á Skipagøtu, sum báðir spæla á høgum støði í týskum hondbólti.
![](https://landsstyri.cdn.fo/savn/shohlrnf/microsoftteams-image-42.png?rmode=max&width=432&height=576&bgcolor=fff&format=jpg&s=JTFggHLessFW5i8fYwE48w1oMk0)
Løgmaður bar týska varakanslaranum føroyska landsliðstroyggju í gávu og fekk ein EM-hondbólt frá varakanslaranum