Landsverk skrivar, at tað er hált um alt landið. Tað er jarðrok í ælunum, og Landsverk heitir á fólk um at koyra varliga.
– Tað er nógv jarðrok á Oyggjarvegnum. Givist verður at grava á Oyggjarvegnum klokkan 19.
Fyrr í dag var vegurin um Gøtueiði stongdur eina løtu, tí ein trailari hevði rent seg fastan, og nú er vegurin aftur stongdur.
Tað er glerstoytt á leiðini, og vegurin er stongdur í løtuni.
– Seks trailarar standa um tvørt, og tað tekur tíð hjá Landsverk at koma fram, so fólk mugu hava tol, sigur vaktleiðarin hjá Føroya Politi.
Eisini eru ring koyrilíkindi á Sandavágshálsi, og har er eisini proppur komin í ferðsluna.
Løgreglan heitir á fólk um ikki at koyra óneyðuga koyring, nú koyrilíkindini eru so ring.
Kavin darvar eisini flogferðsluna
Fimm flogfør skuldu lenda í Vágum í dag, har fleiri hondbóltsfjepparar skuldu koma heim aftur úr Berlin.
Eitt flogfar, sum skuldi koma úr Berlin, er enda í Bergen, og tað flýgur ikki fyrr enn í morgin árini.
– Eitt annað flogfar, sum skuldi flúgva úr Berlin í kvøld, sleppur heldur ikki heim, og fáa ferðafólkini í boði at gista í Berlin í nátt. So hava vit trý flogfør, ið vit vóna koma heim úr Berlin til Føroya í dag, men har er onkur seinking, sigur Jóhanna á Bergi, stjóri í Atlantsflog, við útvarpið á middegi.
Eitt av hesum trimum flogførum skuldi lenda klokkan 15.15, men tað stendur ikki at lenda fyrr enn klokkan 20.05. Eitt stendur til at koma klokkan 20.45 og eitt 22.35.
