Tey baltisku londini hava eina kapping annaðhvørt ár, har tey baltisku londini kappast at vera best í økinum.
Viðhvørt eru gestalond við í kappingini, og millum annað Finnland hevur verið við í hesi kapping tvær ferðir, og so hevur Ísland eisini luttikið, men nú er greitt, at Føroyar verður við í Baltic Cup, ið verður í summar.
Tað kunngerð FSF á heimasíðu sínari.
Talan verður um eina fýra-landakapping millum Føroyar, Estland, Lettland og Litava. Kappingin verður skipað sum tvær hálvfinalur, og síðan verða finalan og dysturin um 3. plássið á skránni.
Hálvfinalurnar verða spældar leygardagin 8. juni, har Estland tekur ímóti Føroyum í Estlandi, og í Lettlandi spæla Lettland og Litava.
Finalan og dysturin um 3. plássið verða spæld týsdagin 11. juni.
Føroyska A-landsliðið við monnum hevur sjey ferðir áður spælt móti Estlandi, fimm ferðir móti Lettlandi, og 11 ferðir hava vit møtt Litava.
Fleiri hagtøl síggjast H E R.
Kelda: Hans Erik Danielsen/fsf.fo
