Á middegi í gjár varð ein bilur steðgaður, tí bilurin yvirhálaði ein annan bil á einum vegastrekki, har tað ikki er loyvt at yvirhála.
Hetta var á landsvegnum beint oman fyri Hvítanesi.
Fyri hesa yvirháling fær bilførarin eitt klipp í koyrikortið.
Kaustisk soda í eygað
Beint eftir midnátt fekk Føroya Politi eina fráboðan í miðstaðarøkinum, at eitt arbeiðsfólk hevði fingið kaustisk soda í annað eygað.
Viðkomandi, sum fekk hendan etsandi løgin í eygað, fór á Landssjúkrahúsið at fáa hjálp fyri tilburðin.
Vaktleiðarin hjá Føroya Politi sigur, at viðkomandi var í holt við at reinsa nakrar kassar, tá óhappið hendi.
– Málið verður nú kannað, og Arbeiðseftirlitið kemur eisini upp í málið, visti vaktleiðarin at siga í morgun.
