Bulurin í føroysku fiskirættindunum í bretskum sjógvi eru 850 tons av svartkalva, umframt onnur fiskasløg eitt nú hýsa, longa og blálonga.
Tað skrivar Fiskivinnu- og samferðslumálaráðið á heimasíðu sínari.
Bretland heldur fram við sínum rættindum at veiða serliga hýsu og upsa í føroyskum sjógvi, eins og at Bretland fær eina hjáveiðukvotu av toski í hýsufiskiskapinum.
Tó eru rættindi at veiða hýsu og tosk í føroyskum sjógvi skerd í ár, nú Bretland valdi at lata sína toskakvotu í NAFO sjógvi til egið fiskifar heldur enn tvíbýtta til Føroyar og Noreg.
– Hóast semjan ikki er stór í vavi, so hevur Fiskivinnu- og samferðslumálaráðið ta støðu, at hon hevur stóran politiskan týdning fyri tvíliðaðu viðurskiftini millum Føroyar og Bretland, skrivar Fiskivinnu- og samferðslumálaráðið.
Semjan kann lesast her.
Kelda: Fiskivinnu- og samferðslumálaráðið
