Lutakast hevur júst verið í Nyon í Sveis, hvussu londini skulu spæla í EM-undankappingini til EM-endaspælið, ið eisini verður spælt í Sveis.
Føroyar komu í bólk C3 saman við Grikkalandi, Montonegro og Andorra.
Hendan undankappingin er býtt upp eftir styrki, har føroyska kvinnulandsliðið er í triðbestu deildini í hesari undankappingini.
Undankappingin verður spæld nú í vár og í summar, har dystir verða á skránni í apríl, juni og juli, har liðini í bólkinum spæla tvær ferðir móti hvørjum øðrum – einum heima- og einum útidysti.