Nú arbeiðsbólkurin vegna Fámjins-, Hvalbiar- & Tvøroyrar kommunu í gjár, 18. mars, legði fram álitið um “fyrimunir og vansar við kommunusamanlegging”, ið varð handað borgarstjórum og kommunustýrislimum sum bóklingur á Seglloftinum á Tvøroyri, so var breið semja millum luttakandi kommunustýrislimirnir, at skipast skal fyri borgarafundum sum skjótast.
Tí er avgjørt at hava borgarfundir í hvørjari bygd/bý sær, har arbeiðsbólkurin leggur fram álitið “fyrimunir og vansar við kommunusamanlegging”, og borgarar fáa møguleika at koma til orðanna og seta fram spurningar, skrivar arbeiðsbólkurin vegna Fámjins-, Hvalbiar- & Tvøroyrar kommunu.
Borgarafundir verða hildnir soleiðis:
- Týskvøldið 19. mars, kl. 19.00 í Roynhøllini
- Ónskvøldið (mikukvøldið) 20. mars, kl. 19.00 í SALT
- Tórskvøldið (hóskvøldið) 21. mars, kl. 19.00 í Vesturhøll í Fámjin
Álitið um “fyrimunir og vansar við kommunusamanlegging” kann lesast her