– Eg havi fingið 47 sms boð inntil víðari.
Soleiðis skrivar ein brúkari á Facebook-vanganum hjá Landssjúkrahúsinum í samband við, at Landssjúkrahúsið ger vart við, at trupulleikar eru í løtuni við SMS-skipanini, sum er knýtt at Cosmic.
Landssjúkrahúsið sigur víðari, at arbeitt verður við at finna eina loysn.
– Sjúklingar kunnu, til trupulleikin er loystur, uppliva at fáa SMS-boð hálva hvønn tíma við boðum sum til dømis: “Reseptin er send til apotekið.”
– Haldið okkum til góðar, skrivar Landssjúkrahúsið á Facebook.