Við fyrst at spæla javnleik 1-1 móti Turkalandi, og síðan vinna greitt á Armenia, eydnaðist tað føroyska U19-landsliðnum við gentum at fáa fýra stig í EM-undankappingini, ið herfyri var í turkiska býnum, Manavgat.
Nú allir bólkarnir í deild B-undankappingini eru taldir upp, er greitt, at Føroyar gerast besti tvey-ari í kappingini samanlagt. Hetta hevur við sær, at Føroyar flyta upp, og skulu spæla í deild A í næstu EM-undankapping, sum verður í heyst.
Eisini U17-genturnar verða at finna í deild A seinni í ár. Føroyar gjørdu ikki mætari enn at vinna bólkin, tá EM-undankappingin var í Føroyum frá 17. til 23. mars.
Kelda: Hans Erik Danieslen/FSF
