Akstovan læt í gjár, 15. apríl, politistøðunum kring landið 684 mál um vegskattaeftirstøður, til at taka nummarspjøldrini av akførum, sum enn ikki hava goldið vegskatt fyri fyrra hálvár 2024.
– Kann eigarin av akfarinum ikki vísa kvittan fyri goldna vegskattaeftirstøðu tekur politiið nummarspjøldrini av akfarinum, skrivar heimasíðan hjá Akstovuni.
Um Akstovuna
Akstovan er stovnur undir Fiskivinnu- og Samferðslumálaráðnum. Umframt høvuðsdeildina í Tórshavn, hevur stovnurin eftirlitsdeildir í Klaksvík, Saltangará og Suðuroy. Harafturat er sýnsstað á Sandi og í Sørvági.
Á Akstovuni starvast 23 fólk, 21 eru starvssett á høvuðsdeildini í Tórshavn, umframt tveir eftirlitsmenn í Eysturoynni og ein partvíst í Suðuroynni.
Ring og spyr hjá Akstovuni:
- Koyrikort 350 420
- Skráseting av Akførum 350 430
- Sýn 350 440
- Vegskatt og bókhald 350 410
- Onnur ørindi 350 450
