Tann 1. juli 2006 spældu tveir fótbóltsúrmælingar seinasta dyst fyri Brazil og teir høvdu tá spælt ávikavist flestar og næstflestar landsdystir.
Høvið var dysturin hjá Brazil ímóti Fraklandi í HM-fjórðingsfinaluni. Liðuppstillingin hjá Seleção tann dagin hevði høgra bakkin og liðskiparan, Cafu, og vinstra bakkin, Roberto Carlos. Roberto Carlos spældi fyrsta landsdystin í 1992 og varð ikki úttikin til HM 1994, men vann HM 2002. Hinvegin spældi Cafu fyrsta landsdystin í 1990, og var partur av vinnandi liðnum bæði í 1994 og 2002. Í 2006 vóru teir partur av einari verju, sum bara hevði latið eitt mál inn í kappingini undan dystinum ímóti Fraklandi og tað var í 4-1 sigrinum á Japan.
Ólukkutíð fyri Brazil, so lat verja aftur eitt mál inn, sum eisini gjørdist hitt einasta í dystinum, tá Thierry Henry fekk eitt innlegg frá Zinedine Zidane og smekkaði bóltin í málið. Frakland vann 1-0 og Brazil varð varpað út.
Eftir dystin fingu Cafu og Roberto Carlos atfinningar fyri tapið. Nakrir viðmerkjarar hildu, at Cafu hevði sæð sínar bestu dagar og burdi ikki verið úttikin til endaspælið, meðan aðrir góvu Roberto Carlos skyldina fyri ikki at dekka Henry, tá hann skoraði. Báðir góvust á landsliðnum, hóast Cafu spældi klubbfótbólt til 2008, meðan Roberto Carlos gavst í 2016.
Dysturin var 142. landsdysturin hjá Cafu, sum eisini framvegis er brasilskt met. Roberto Carlos spældi 125. landsdystin og tað var næstflest. Nú hevur Dani Alves spælt næstflestar við 126 landsdystum.
