Ísraelska stjórnin hevur í dag havt almennan landsleiðslufund. Tað kom greitt fram, at ísraelski forsætisráðharrin, Benjamin Netanyahu, ætlar at føra sama verndarpolitikk sum áður.
Millum annað sigur hann á fundinum: – Lat meg siga tað so klárt, sum eg kann. Øll, ið við terror sláa ísraelar í hel, enda antin í fongsul ella í grøvini.
Fyrr í vikuni var ísraelska verjuverkið í eini hernaðaruppgávu í flóttaleguni í Jenin á Vesturbreddanum. Vesturbreddin hevur verið undir Ísrael síðani 1967. Bæði Ísrael og Palestina mistu landsmenn í sambandi við hernaðaruppgávuna.
Víðari sigur Netanyahu, at teir hava tríggjar hættir at niðurberja eitt nú militantar palestinar.
– Fyrst avrokna vit brotsmenninar. Hareftir fara vit eftir teimum, ið standa aftanfyri tilrættisleggingina av hesum. Til síðst fara inn og taka teir av bóli.
Í tíðindabrævið skrivar forsetin í Palestina, Mahmoud Abbas, at hann hevur fryst samráðingarnar og trygdarsamskiftið við ísraelska statin.
