Tað prutlar undir lokinum í miðeystri, og serfrøðingar hava ávarað um, at ein samanbrestur millum Ísrael og nærmastu grannalondini er ávegis.
Men nú hevur amerikanska fregnartænastan, CIA, beinleiðis ávarað ísraelsku stjórnina um, at eitt álop á Ísrael kann henda innan 48 tímar.
Tað skrivar amerikanski miðilin Vox Media í morgun.
Miðilin siterar miðlar í Miðeystri fyri at siga, at Iran hevur ítøkiliga ætlanir at leypa á við dronum og rakettum, sum skulu raka strategisk mál í Ísrael sum aftursvar til loftálopið á iransku sendistovuna í Sýria herfyri.
Upplýsingarnar eru enn ikki alment váttaðar.
