Býráðið í Sunda kommunu samtykti einmælt fíggjarætlanina fyri 2024.
Til 1. viðgerð 30. okt. samtykti býráðið einmælt at lækka kommunuskattin við 0,55% stigum, úr 21,5% niður í 20,95%.
Somuleiðis samtykti býráðið íløgur fyri 46,6 mió.kr. Íløgurnar fevna víða um í kommununi. Størsta íløgan er til útstykkingar, har útstykking við 27 grundstykkjum á Oyrarbakka er farin í gongd, samstundis sum gongd er sett á afturtøka av grundstykkjum í allari kommununi.
Harnæst er raðfest:
- Brúgv um Stórá millum Hvalvík og Streymnes
- Økt viðlíkahald av kommunalum vegum
- Vatnveiting í Hósvík
- Spillvatnsskipan í Tjørnuvík og Saksun
- Vetrarfriðing í Haldórsvík og Langasandi
- Grøna orkuskiftið, upphiting og løðistøðir
- Kirkjugarðar við Norðskála og í Hósvík
- Skúlin á Langasandi
- Trivnaðarøkið, stuðul til ítrótt og ljósseting
- Vinnuøkið í Hvalvík, Ferðavinna og almenn WC
- Umvæling av Mørkini í Streymnesi
- Náttúrulundina við Streymin og viðarlundina í Hvalvík
- Umframt annað viðlíkahaldsarbeiði á kommunalar bygningar og ítróttarøkið.
Sunda kommuna er væl fyri fíggjarliga, og skuldin í Sunda kommunu er í dag áleið fjórðings álíkning, og við íløgunum omanfyri verður roknað við, at skuldin verður knappliga hálva álíkning.
Kelda: Sunda kommuna
