Í dag letur Sandoyartunnilin upp fyri almennari ferðslu. Stórur áhugið er fyri at koyra ígjøgnum tunnilin, og tað viðførir stórt ferðslutrýst bæði í Traðardali og á Gomlurætt.
Politiið og Ansni fara at vera báðumegin tunnilin, har tey vegleiða viðvíkandi parkering ella staði at bíða á, til latið verður upp.
– Vinarliga gevið teimum ans og aktið boðini, skrivar Føroya Politi á sínum Facebook-vanga.
Víðari skrivar løgreglan, at nú kavaveður er, so ger Landsverk sítt til, at koyrilíkindini verða so góð sum møguligt.
– Fyri at lætta um teirra arbeiði, verður heitt á tey, sum ætla at koyra ígjøgnum, um ikki at koma til staðið óneyðuga tíðliga. Tunnilsfelagið hevur lýst, at almenna ferðslan sleppur at koyra nakað eftir klokkan 15.
– Heitt verður á øll um at koyra eftir umstøðunum, skrivar Føroya Politi.