B68 misti fyri nøkrum vikum síðan áleyparan Jørgen Nielsen, sum hevur skrivað undir sáttmála við Víking, men nú hevur B68 fingið ein áleypara í sín hóp.
Talan er um 32 ára gamla Brian Jakobsen, sum í fjør spældi við AB, har hann skoraði 11 mál, har tey flestu komu í seinnu helvt. Tað var tó ikki nokk til at halda AB upp í Betri Deildini, og AB flutti niður í næstbestu deildina.
Brian hevur áður umboðað Skála og B36, og er skrásettur fyri at hava spælt 176 dystir í Betri Deildini, har hann hevur skorað 56 mál.
