(Dagført klokkan 16.50)
Farcargo hevur fingið ein stjóra afturat.
Hanus Vestergaard Jacobsen er nýggjur maður í felagnum.
Tað stendur at lesa inni á Skráseting Føroya.
Birgir Nielsen hevur annars verið stjóri í Farcargo, men sambært Skráseting Føroya, er ein stjóri komin afturat felagnum, sum skal flúgva laks hjá Bakkafrosti úr Føroyum til USA, framt í dag tann 8. januar.
Hanus Jacobsen er sonur Regin Jacobsen, stjóra á Bakkafrosti, sum áður hevur verið stjóri í amerikanska partinum av Bakkafrosti.
Ætlanin seinkað
Tað hava verið fleiri seinkingar við ætlanini.
Ætlanin hjá FarCargo var annars at fáa sítt Boeing 757 farmaflogfar í desember í fyrra árið, men fyrst var tað seinkað, og so bleiv flogfarið skift út við eitt annað flogfar.
– Vit hava slept ætlanini við fyrra flogfarinum og fáa okkum eitt munandi nýggjari flogfar til farmaflúgvingina í staðin, segði stjórin í Bakkafrosti, Regin Jacobsen, í viðtalu við Kringvarpið í februar í fjør.
Partur av manningini sett
Hóast fyrireikingarnar til farmaflogverkætlanina hjá FarCargo hava gingið heldur striltið, so hevur felagið sett part av flogmanningini, sum hevur verið til eina kravda simulatorútbúgving í Fraklandi fyri at lúka krøvini at flúgva Boeing 757-200 flogfarið..
Sambært heimasíðuni, worldairlinesnews.com, so byrjar Eysturoy at flyta laks úr Føroyum til USA tíðliga í 2024, og tað er so einaferð nú.