Føroyar eru í styrkisbólki 2 í deild C, tá lutakast verður um, hvussu spælast skal í komandi UEFA Nations League kapping, sum er á skránni í heyst.
Lutakastið verður hósdagin 8. februar klokkan 17:00, og tá fáa vit at síggja, hvørji hini londini í bólkinum verða.
Í styrkisbólki 1 eru Rumenia, Svøríki, Armenia og Luksemborg, í styrkisbólki 2 eru Føroyar, Aserbadjan, Kosovo og Bulgaria, í styrkisbólki 3 eru Norðurmakedónia, Slovakia, Norðurírland og Kýpros, og í stýrkisbólki 4 eru Belarus, Litava ella Gibraltar, Estland og Lettland.
Lutakastið verður skipað á tann hátt, at Føroyar koma í bólk saman við einum av londunum í styrkisbólkunum 1, 3 og 4.
Dystirnir í UEFA Nations League 2024/2025 verða spældir í tíðarskeiðunum 5. til 10. september, 10. til 15. oktober, og 14. til 19. november í ár.
Ársins fyrsta uppgáva hjá A-landsliðnum við monnum er venjingardystur móti Liktinstein, sum verður á Marbella Football Center í Spania fríggjadagin 22. mars, og fýra dagar seinni, týsdagin 26. mars spæla Danmark og Føroyar venjingardyst á Brøndby Stadion.
Atgongumerki til dystin millum Danmark og Føroyar fáast til keyps H E R.
Kelda: Hans Erik Danielsen/fsf.fo
