Føroyska kvinnulandsliðið í hondbólti hevur vunnið sær pláss í EM-endaspælinum, sum verður hildið í Eysturríki, Sveis og Ungarn í heyst.
Hetta er fyrstu ferð, at eitt føroyskt kvinnulandslið hevur vunnið sær lutttøku í endaspælinum.
Stjórin í Hondbóltssambandinum, Andrass Thomsen, fegnast um, at føroysku kvinnurnar nú hava gjørt monnunum kunstin eftir, og væntar nú eisini, at enn meira fokus verður á kvinnuhondbóltin.
– Eg eri eisini sera fegin um, at fleiri av teimum etableraðu á liðnum sleppa at uppliva hetta, tí fleiri teirra hava verið við allan vegin, tá vit tóku lut í undan-undankappingum, og so til nú, tá føroyska kvinnulandsliðið skal taka lut í einum endaspælið, sigur stjórin.
Samrøða við stjóran í HSF, Andrass Thomsen, kann hoyrast her: