Tann 1. juli 2012 vardi Spania við góðum úrsliti EM-heitið, tá tað vann 4-0 á Italia í finaluni.
Spania hevði ofta verið tætt við og hevði torført at svara til tað, ið væntað varð av teimum, men Spania vann endiliga eina stóra kapping, tá tað sigraði á Týsklandi í EM-finaluni 2008 og síðani á Hollandi í 2010.
Fyrsta dystin undir EM 2012 møttu teir Italia í bólkaspælinum og spældu ein 1-1 javnleik. Bæði liðini vunnu seg víðari, har verandi meistari vann bólkin og Italia tvey stig aftan fyri á 2. plássi.
Liðini vunnu sínar frásáldingardystir og møttust aftur í finaluni, har 63.000 áskoðarar sóu dystin á Olympiska leikvøllinum í Kiev. Tað gjørdist kortini ongin endurtøka av fyrsta dystinum, tí Spania stýrdi dystinum frá byrjan til endan, har David Silva (14′), Jordi Alba (41′), Fernando Torres (84′), og Juan Mata (88′) skoraðu málini. Torres og Mata vórðu enntá innskiftir.
Spania setti fleiri varðar í dystinum – tað var størsti málmunurin nakrantíð í einari EM-finalu og fyrstu ferð, at eitt lið vann tríggjar stórar altjóða kappingar á rað. Tað var eisini 100. Landsliðssigurin hjá spanska málverjanum og liðskiparanum, Iker Casillas.
