Felagið Føroyskir Sjúkrarøktarfrøðingar hevur í dag hitst, saman við Fíggjarmálaráðnum, hjá Semingsstovninum. Niðurstøðan á fundinum var, at semingsroyndin bar ikki á mál.
Tí hevur felagið Føroyskir Sjúkrarøktarfrøðingar sent soljóðandi skriv til Fíggjarmálaráðið:
“Vísandi til avtalu frá 1. juli 2014 millum Fíggjarmálaráðið og Felagið Føroyskar Sjúkrarøktarfrøðingar um fráboðanarform og fráboðanarfreist undan arbeiðssteðgi, verður hervið boðað frá arbeiðssteðgi fyri allar sjúkrarøktarfrøðingar, deildarleiðarar/funktiónsleiðarar og varaleiðarar/toymisleiðarar frá mánadegi 2. oktober 2023 klokkan 08, ið arbeiða á niðanfyri standandi deildum:
Landssjúkrahúsið
- A2
- A3
- B5
- B6
- B7
- B8
- G1
- G4
- P40/PI
- P40/PA
Klaksvíkar Sjúkrahús:
- KS-3 seingjardeildin
Suðuroyar Sjúkrahús:
- Seingjardeildin”