Tann 4. januar 1866 var Ernest Mangnall føddur í Bolton. Mangnall stjórnaði Manchester United tey til bæði fyrstu meistaraheitini og seinni stjórnaði hann Manchester City.
Eftir eina fótbóltslívsleið sum málmaður hjá Bolton Wanderers gjørdist hann felagsstjóri hjá Burnley, har hann byrjaði í 1900. Undanfarna kappingarárið flutti felagið niður í 2. deild og Mangnall var ógvuliga tætt við at flyta felagið uppaftur í fyrstu royndini, men liðið endaði í fyrsta kappingarárinum á 3. plássi; fýra stig frá uppflyting. Men tvey kappingarár seinni endaði Burnley allarniðast og mátti veljast av nýggjum til Fótbóltsdeildina.
Í oktober 1903 skifti Mangnall til Manchester United, tá hevði Burnley vunnið 2-0 á Manchester United 7. september. Mangnall stjórnaði United til eitt 2. pláss í 1906 og liðið flutti sostatt upp í bestu deildina. Hann førdi United til meistaraheitið í 1908, FA Cup finalusigur í 1909 og næsta meistaraheitið í 1911.
Hann skifti til Manchester City í september 1912 eftir, at hann hevði tapt fyri júst City í seinasta dystinum, sum hann stjórnaði United og har varð hann verandi, til hann gavst í 1924.
