Nú klokkan tíggju byrjaði tingfundur í Løgtingum, sum skal fáa nógv mál frá hondini, innan Løgtingið fer í páskaferiu.
Í dag eru nakrar broytingar í ferðslulógini á skránni, umframt uppskot til løgtingslóg um broyting í løgtingslóg um triðja útbjóðingarumfar til leiting eftir og framleiðslu av kolvetnum, og í løgtingslóg um fjórða útbjóðingarumfar til leiting eftir og framleiðslu av kolvetnum.
Eisini leggur Miðflokkurin í dag eitt uppskot fram um at verja tað ófødda barnið.
Til ber at fylgja við í Tingvarpinum her.
Skráin fyri tingfundin í dag sær soleiðis út:
1 | 3. viðgerð LM-052/2023 – Uppskot til ríkislógartilmæli um at seta í gildi fyri Føroyar Forslag til lov om ændring af retsplejelov for Færøerne (ajourføring) |
2 | 1. viðgerð LM-081/2023 – Uppskot til løgtingslóg um broyting í løgtingslóg um ferðslu (Nútímansgerð og nágreinan av orðskiljingum, broyting í reglunum um handhildna teleútgerð og øðrum handhildnum samskiftistólum, skeið um rúsdrekka og ferðslu verður víðkað til eisini at fevna um rúsevni, seta bann fyri nýtslu av øðrum lítlum motordrivnum akførum á øki, har ferðslulógin er galdandi, viðvirkan av dómsmonnum o.a.) |
3 | 1. viðgerð LM-103/2023 – Uppskot til løgtingslóg um broyting í løgtingslóg um ferðslu (Broyta áseting um rúsevnakoyring og møguleikan at avgreiða mál við fráboðan) |
4 | 1. viðgerð LM-095/2023 – Uppskot til løgtingslóg um broyting í løgtingslóg um triðja útbjóðingarumfar til leiting eftir og framleiðslu av kolvetnum og í løgtingslóg um fjórða útbjóðingarumfar til leiting eftir og framleiðslu av kolvetnum (Peningur til jarðfrøðiligar kanningar heldur enn umhvørvisárinsmetingar) |
5 | 1. viðgerð LM-097/2023 – Uppskot til løgtingslóg um broyting í løgtingslóg um trygd á sjónum (Ásetingar í sambandi við kanningar av vanlukkum á sjónum, talgilt samskifti, sjóuppmerking, gjald fyri sýn o.a.) |
6 | 1. viðgerð LM-098/2023 – Uppskot til løgtingslóg um broyting í løgtingslóg um fjarskifti (Fjarskiftislógin) (Ásetingar um kortlegging og skanning í sambandi við nettrygd og um at nágreina ásetingar um at savna upplýsingar) |
7 | 1. viðgerð LM-104/2023 – Uppskot til løgtingslóg um broyting í løgtingslóg um landsskatt og kommunuskatt (Skattalógin) (§ 154 b frádráttur) |
8 | 1. viðgerð LM-112/2023 – Uppskot til løgtingslóg um at verja ófødda barnið |
9 | 1. viðgerð LM-109/2023 – Uppskot til eykajáttanarløgtingslóg fyri mars 2024 (Vegskattur og viðlíkahald av landsvegum) |
10 | 1. viðgerð LM-111/2023 – Uppskot til løgtingslóg um broyting í løgtingslóg um veg- og umhvørvisgjald av motorakførum o.a. (Vektgjald fyri allar persónbilar) |
11 | 1. viðgerð LM-110/2023 – Uppskot til løgtingslóg um broyting í løgtingslóg um landsskatt og kommunuskatt (Skattalógin) (Frádráttur fyri samsýning fyri hjálpararbeiði við kirkjuligum, manngóðum ella alment gagnligum endamáli) |
12 | 1. viðgerð LM-113/2023 – Uppskot til samtyktar um tilráðingar frá Norðurlandaráðnum í 2023 og um frágreiðing um virki ráðsins í 2023 |
13 | Framløga |