Innflutningurin í januar er nú uppgjørdur, og í talvuni niðanfyri ber til at síggja innflutningin 12-mánaðarskeiðið frá februar 2023 til januar 2024 samanborið við undanfarna skeið.
Minkingin í innflutninginum stavar í høvuðsheitum frá lægri innflutningsvirði á brennievni. Innflutningurin av brennievni og øðrum oljum er minkaður 589 milliónir krónur, sum í høvuðsheitum stavar frá lægri prísum. Prísirnir vóru hægst summarið 2022, tá innflutningsprísurin av brenniolju var hægri enn 8 krónur fyri liturin. Seinastu tíðina hevur prísurin ligið millum fimm og seks krónur fyri liturin.
Innflutningurin av matvørum og livandi djórum er vaksin 208 milliónir krónur ella níggju prosent. Hetta er fyri tað mesta fiskur til framleiðslu og alifóður.
Vøruinnflutningur skiftur á SITC høvuðsbólkar
12 mánaðarskeið 2022/23 og 2023/24
februar – januar | munur | |||
---|---|---|---|---|
2022-23 | 2023-24 | mió. kr. | % | |
Tilsamans | 12.361,7 | 11.197,1 | -1.164,6 | -9,4 |
0 – Matvørur og livandi djór | 2.305,6 | 2.513,3 | 207,7 | 9,0 |
1 – Drykkjuvørur og tubbak | 135,5 | 143,4 | 7,9 | 5,8 |
2 – Ráevni til framleiðslu, uttan brennievni | 355,5 | 377,4 | 21,9 | 6,2 |
3 – Brennievni og aðrar oljur | 2.328,1 | 1.739,3 | -588,8 | -25,3 |
4 – Djóra- og plantuoljur | 239,5 | 158,3 | -81,2 | -33,9 |
5 – Evnafrøðiligt tilfar | 1.001,1 | 934,4 | -66,7 | -6,7 |
6 – Ídnaðarvørur flokkaðar eftir ráevni | 1.362,0 | 1.347,9 | -14,1 | -1,0 |
7 – Maskinur, motorar, skip og akfør | 3.617,4 | 3.055,3 | -562,1 | -15,5 |
8 – Ymsar aðrar framleiddar vørur | 1.013,5 | 927,5 | -86,0 | -8,5 |
9 – Vørur, ikki neyvari flokkaðar | 3,4 | 0,2 | -3,2 | -94,4 |
Um vit hyggja eftir hvussu innflutningurin er skiftur á nýtsluendamál sæst, at innflutningurin til beinleiðis nýtslu er minkaður 492 milliónir krónur ella 9,3 prosent. Innflutningurin til nýtslu í framleiðsluni er minkaður 189 milliónir krónur, ella 4,1 prosent. Minkingin er størst av byggitilfari, men har er eisini ein minking av brennievni, flutningstólum og líknandi til nýtslu í framleiðsluni.
Vøruinnflutningur skiftur á BEC nýtslubólkar
12 mánaðarskeið 2022/23 og 2023/24
februar – januar | munur | |||
---|---|---|---|---|
2022-23 | 2023-24 | mió. kr. | % | |
Tilsamans | 12.361,6 | 11.197,0 | -1.164,6 | -9,4 |
Endalig nýtsla | 5.293,4 | 4.801,8 | -491,7 | -9,3 |
Nýtsla í framleiðsluni | 4.580,6 | 4.391,9 | -188,7 | -4,1 |
111 – Landbúnaður, skógbrúk, fiskivinna, matur, drekka, tubbak | Vørur | Nýtsla í framleiðsluni | 1.504,6 | 1.532,8 | 28,2 | 1,9 |
211 – Námsvirki, grótbrot, reinsingarstøð, brennievni, evnindi, ravmagn, vatn, rusk viðgerð | Vørur | Nýtsla í framleiðsluni | 312,2 | 256,2 | -56,0 | -17,9 |
311 – Byggivirki, timbur, glas, grót, metal, bústaðir, eltól, húsbúni | Vørur | Nýtsla í framleiðsluni | 1.616,4 | 1.471,6 | -144,8 | -9,0 |
411 – Vevnaður, klædnavørur, skógvar | Vørur | Nýtsla í framleiðsluni | 175,4 | 209,8 | 34,4 | 19,6 |
511 – Flutningstól og -tænastur, ferðing, posttænastur | Vørur | Nýtsla í framleiðsluni | 528,9 | 465,9 | -62,9 | -11,9 |
611 – KST, miðlar, teldur, handils- og fíggjartænastur | Vørur | Nýtsla í framleiðsluni | 69,6 | 62,1 | -7,5 | -10,8 |
711 – Heilsa, heilivágur, útbúgving, mentan, ítróttur | Vørur | Nýtsla í framleiðsluni | 355,9 | 376,5 | 20,6 | 5,8 |
811 – Tað almenna, hervald og annað | Vørur | Nýtsla í framleiðsluni | 17,7 | 17,0 | -0,7 | -3,9 |
Fastar bruttoíløgur | 2.487,6 | 2.003,4 | -484,2 | -19,5 |